Nú á dögunum var frumsýndur á bílasýningunni í Frankfurt nýr og glæsilegur bíll frá Subaru sem fer í fjöldaframleiðslu nú í nóvember á þessu ári. Um er að ræða tímamótabíl sem er enn ein skrautfjöðurin í hatt Subaru. Þessi glæsilegi bíll ber nafnið "XV" og myndi flokkast sem einskonar sportjeppi og er einkar glæsilegur á að líta. Subaru XV er mjög umhverfisvænn og er CO2 útblástur ekki nema 153 gr/km. sem þykir mjög lágt með 2.0 lítra bensínvél, sjálfskiptur og fjórhjóladrifinn.

Subaru XV verður boðinn hér á Íslandi með ríkulegum búnaði og má sem dæmi nefna VDC skriðvörn, 17" álfelgur, fullkomin og ný CVT stiglaus skipting sem lágmarkar eldsneytiseyðslu, Bluetooth símabúnað og svo mætti lengi telja. Athygli vekur að veghæðin er gríðarlega mikil eða 22 cm. sem er það mesta sem þekkist í þessum flokki bíla og því ljóst að Subaru XV er eins og sérsniðinn fyrir íslenskar aðstæður.

Stefnt er að því að kynna þennan tímamótabíl hér á Íslandi í febrúar 2012 með pompi og prakt.