Eitt virtasta bílablað í heiminum, bandaríska bílatímaritið Motor Trend hefur valið Subaru Forester jeppling ársins að því er fram kemur á bílasíðu CNN. Þetta er mikill heiður fyrir Subaru Forester sem einmitt keppir um titilinn Bíll Ársins á Íslandi. Helsti rökstuðningur fyrir valinu byggist á því að Forester er afskaplega hagkvæmur jepplingur, hvort sem litið er til eldsneytisnotkunar eða viðhalds. Einnig er hann sagður mjög þægilegur bíll og duglegur utan malbiks en veghæðin á Subaru Forester er 21,5 cm. sem er töluvert hærra en á öðrum jepplingum.

Greint verður frá valinu og rökstuðningi þess í nóvemberhefti Motor Trend tímaritsins. Bíllinn keppti við 13 aðra bíla um titilinn. Þar voru bílar eins og BMW X6, Nissan Murano, Infiniti EX og FX, VW Tiguan, Lexus LX570 og fleiri aðrir bílar.

Subaru Forester hefur verið á Íslandsmarkaði í áraraðir og reynst alveg gríðarlega vel og er nú vel þekktur fyrir mikil þægindi, áræðanleika, einstaka aksturseiginleika, mikla endingu, gott endursöluverð og svo mætti lengi telja.